കുട്ടി

 

കാലത്തിന്റെ വിരൽത്തുമ്പുപിടിച്ചു, 

ബാല്യത്തിന്റെ നടവരമ്പോടി കടന്നൊരു -

കുട്ടിയുണ്ടായിരുന്നു..

മാനത്താണ് അമ്പിളിയും, 

മഴവില്ലും എന്നുപറഞ്ഞ് ,

പറക്കുവാൻ ചിറകുകൾ വേണമെന്ന് 

പ്രാർത്ഥിച്ച കുട്ടി ...

ഇന്ന് -

ഒരു പൂവിരിയുന്നത്ര മധുരമായി ...

പുഞ്ചിരിക്കുന്ന,

എന്റെ  കുട്ടിയെ -

കാണുമ്പോൾ ,

മാനത്താണേറ്റമഴകെന്ന -

വിജ്ഞാനമടർന്നു താഴെ വീഴുന്നു...

ഞാനാ പഴയ കുട്ടിയോളം  -

ചെറുതായവൾക്കൊപ്പം 

വീട്  വരയ്ക്കുന്നു ...

അമ്മയെ വരയ്ക്കുന്നു ..

അച്ഛനെ വരയ്ക്കുന്നു...

കുട്ടിയെ (കുന്നിമണി) വരയ്ക്കുന്നു ..