നീളുമീ; മണ്പാതയ്ക്കുമപ്പുറം
മേഘശകലങ്ങള് തീര്ക്കുന്ന -
നിഴല് ചിത്രങ്ങളില് ,
ഇടയ്ക്കെപ്പോഴെങ്കിലും
എനിക്കേറ്റം ഇഷ്ടപെടുന്ന -
രൂപം വരയ്ക്കുന്നതും നോക്കി- ഞാന്
കാത്തിരിക്കുന്നു .........
നട്ടുച്ചനേരത്ത് സൂര്യന്
തലയ്ക്കു മുകളില്
തിളച്ചു മറിയുമ്പോള്
ഒരു തണല് മരമെന്നില്
നിഴല് വിരിക്കുന്നതും .........
മഴത്തുള്ളികള് വന്നലറി
കരഞ്ഞു കൊണ്ടാഞ്ഞു പെയ്യുമ്പോള് -
ഒരു ചെമ്പില തണ്ടുമായ് -
എന്നോടോത്തണയുന്നതും നോക്കി- ഞാന്
കാത്തിരിക്കുന്നു .........
ഒടുവില് -
എന്റെ കാത്തിരിപ്പുകളെല്ലാം
നിന്നില് എത്തിച്ചേരുന്നത്
തികച്ചും യാദ്ര്യശ്ചികം മാത്രം.........
യോതിഷ് ആറന്മുള